Skol Diwan Baod

Istor ar skol

E miz gwengolo 1991 e oa bet digoret Skol Diwan Baod, e-barzh un ti-moullañ kozh war hent Pondi. 

E 1997 e oa bet dilojet evit en em staliañ hent ar Ger Nevez, lec’h ma kendalc’h hiziv da lakaat da vevañ an deskadurezh dre soubidezh e brezhoneg e kreizig kreiz ar gumun.. 

Ar soubidigezh

E skol Diwan Baod e tesk ar vugale gant an hentenn dre soubidigezh e brezhoneg evit bezañ divyezhek da vat ur wech erru e fin ar CM2 : komz, lenn ha skrivañ e brezhoneg hag e Galleg a ouezont ober hag en o aes int evit deskiñ yezhoù all war un dro. 

Desket e vez en un endro madelezhus ma vez klasket diorren ar guriusted, an emrenerezh hag an emfiziañs war ar pemdez.

Raktresoù evit deskiñ en un doare all

A-hed ar bloaz e vez kinniget er skol raktresoù disheñvel ha gant se e teu an deskiñ da vezañ pinvidikoc’h c’hoazh ha broudet vez ar skolidi da anavezout gelloc’h ar bed : 

• Emgav gant Yuna Le Men hag zo o prientiñ treizhadenn ar mor atlantel gant ur mignon.

• A-drugarez d’ar raktres kan gant Morwenn le Normand o deus gellet ar vugale ober anaouedegezh gant ar sonerezh hag ar c’han.

• Malarde, mare fest ha plijus gant ar skol a-bezh.